ಶಾಸಕರ ವೇತನ ಶೇಕಡ 66.67 ಹೆಚ್ಚಳ, ಸಚಿವರಿಗೂ ಭರ್ಜರಿ ಗಿಫ್ಟ್

ನವದೆಹಲಿ: ರಾಜಧಾನಿ ದೆಹಲಿಯಲ್ಲಿ ಶಾಸಕರ ವೇತನದಲ್ಲಿ ಭಾರೀ ಹೆಚ್ಚಳ ಮಾಡಲಾಗಿದೆ. ಮೂಲ ವೇತನದಲ್ಲಿ ಶೇಕಡ 66.67 ಹೆಚ್ಚಳ ಮಾಡಲಾಗಿದೆ. ಭತ್ಯೆ ಹಾಗೂ ಇನ್ನಿತರ ಸವಲತ್ತು ಇದರ ಹೊರತಾಗಿದೆ.

ಈ ಹಿಂದೆ ಶಾಸಕರ ಮೂಲ ವೇತನ12,000 ರೂಪಾಯಿಗಳಾಗಿತ್ತು. ಇದೀಗ 30,000 ರೂಪಾಯಿಗೆ ಏರಿಕೆ ಮಾಡಲಾಗಿದೆ.

ಸಚಿವರ ಮೂಲ ವೇತನವನ್ನು 20,000 ದಿಂದ 60,000 ರೂಪಾಯಿಗೆ ಹೆಚ್ಚಿಸಲಾಗಿದೆ. ದೆಹಲಿಯಲ್ಲಿ ಶಾಸಕರಿಗೆ ಈ ಹಿಂದೆ ಎಲ್ಲ ಸವಲತ್ತು ಸೇರಿ ತಿಂಗಳಿಗೆ 54,000 ರೂಪಾಯಿ ವೇತನ ದೊರೆಯುತ್ತಿತ್ತು. ಇದೀಗ ಅದು 90,000 ರೂಪಾಯಿಗೆ ಹೆಚ್ಚಿಸಲಾಗಿದೆ.