ಕೊರಿಯನ್‌ ಸಿಂಗರ್ ಜಿಮಿನ್‌ ಹಾಗೆ ಕಾಣಲು 12 ಸರ್ಜರಿ ಮಾಡಿಸಿದ್ದ ಯುವ ನಟ ಸಾವು

ಚೀನಾ: ಕೊರಿಯನ್‌ ಸಿಂಗರ್ ಜಿಮಿನ್‌ ಹಾಗೆ ಕಾಣಲು 12 ಸರ್ಜರಿ ಮಾಡಿಸಿದ್ದ ಯುವ ನಟ ಸಾವನ್ನಪ್ಪಿದ್ದಾನೆ.

22 ವರ್ಷದ ಕೆನಡಿಯನ್ ನಟ ಸೇಂಟ್ ವಾನ್ ಕೊಲುಸಿ ಮೃತಪಟ್ಟಿದ್ದಾರೆ. ದಕ್ಷಿಣ ಕೊರಿಯಾದ ಆಸ್ಪತ್ರೆಯಲ್ಲಿ ಈತ ಭಾನುವಾರ ನಿಧನರಾಗಿದ್ದಾರೆ. ಯುವನಟನ ಸಾವಿಗೆ ಪ್ಲಾಸ್ಟಿಕ್ ಸರ್ಜರಿಯೇ ಕಾರಣ ಎಂದು ತಿಳಿದು ಬಂದಿದೆ.

ಮೂಲಗಳ ಪ್ರಕಾರ, ಮೃತ ಸೇಂಟ್ ವಾನ್ ಕೊಲುಸಿ ಒಟ್ಟು 12 ಬಾರಿ ಪ್ಲಾಸ್ಟಿಕ್ ಸರ್ಜರಿಗಾಗಿ 220,000 ಡಾಲರ್ ಅಂದರೆ 1,80,22,180 (ಭಾರತೀಯ ರೂಪಾಯಿ) ಖರ್ಚು ಮಾಡಿದ್ದ. ಸರ್ಜರಿಯ ನಂತರ ಅಮೆರಿಕದಲ್ಲಿ ಪ್ರಸಾರದಲ್ಲಿರುವ ‘ಕೆ ಪಾಪ್ ಸ್ಟಾರ್’ ಸೀರಿಸ್‌ನಲ್ಲಿ ನಟಿಸಲು ಆತ ಬಯಸಿದ್ದ. ಆರೋಗ್ಯ ಹದಗೆಟ್ಟ ಹಿನ್ನೆಲೆಯಲ್ಲಿ ಆತನನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ ಚಿಕಿತ್ಸೆ ಫಲಕಾರಿಯಾಗದೇ ಆತ ಸಾವನ್ನಪ್ಪಿದ್ದಾನೆ