ಕುರುಡಿಯಂತೆ ನಟನೆ, ಸಿಕ್ಕಿಬಿದ್ದ ಮಹಿಳೆ

ಇಟಲಿ : 15 ವರ್ಷದಿಂದ ಕುರುಡಿಯಂತೆ ನಟಿಸಿದ ಮಹಿಳೆಯೊಬ್ಬಳು ಸಿಕ್ಕಿಬಿದ್ದಿದ್ದಾಳೆ. ಈ ಮಹಿಳೆ ಸರ್ಕಾರಿ ಪಿಂಚಣಿಗಾಗಿ 15 ವರ್ಷಗಳ ಕಾಲ ಕುರುಡಿಯಂತೆ ನಟಿಸಿರುವ ಘಟನೆ ಇಟಲಿಯಲ್ಲಿ ನಡೆದಿದೆ.

48 ವರ್ಷದ ಮಹಿಳೆಯೊಬ್ಬಳು, 15 ವರ್ಷಗಳ ಹಿಂದೆ ಕುರುಡಿ ಎಂದು ವೈದ್ಯರಿಂದ ಪ್ರಮಾಣಪತ್ರ ಪಡೆದು ಪಿಂಚಣಿಗೆ ಅರ್ಜಿ ಸಲ್ಲಿಸಿದ್ದರು. ಅಧಿಕಾರಿಗಳು ಪಿಂಚಣಿಯನ್ನು ಮಂಜೂರು ಸಹ ಮಾಡಿದ್ದರು.

ಈ 15 ವರ್ಷಗಳಲ್ಲಿ ಒಟ್ಟು 2.08 ಲಕ್ಷ ಯೂರೋ (1.8 ಕೋಟಿ ರೂ.) ಪಿಂಚಣಿಯಾಗಿ ಪಡೆದಿದ್ದಾರೆ ಎಂಬ ಮಾಹಿತಿ ಇದೆ. ಒಮ್ಮೆ ತನ್ನ ಫೋನ್ ಸ್ಕ್ರೋಲಿಂಗ್ ಮಾಡುತ್ತಾ ಫೈಲ್‌ಗೆ ಸಹಿ ಹಾಕಿದಾಗ ಮಹಿಳೆಯು ಸಿಕ್ಕಿಬಿದ್ದಿದ್ದಾಳೆ.