ಎಲ್ಲಾ ದಾಖಲೆ ಮುರಿದ ‘ಮಹಾವತಾರ ನರಸಿಂಹ’ ಸಿನಿಮಾ; ಬಾಕ್ಸ್ ಆಫೀಸ್​ನಲ್ಲಿ ಕಲೆಕ್ಷನ್ ಎಷ್ಟು?

ಹೊಂಬಾಳೆ ಫಿಲ್ಮ್ಸ್ ಪ್ರೆಸೆಂಟ್ ಮಾಡಿದ ‘ಮಹಾವತಾರ ನರಸಿಂಹ’ ಸಿನೆಮಾ ಎಲ್ಲಾ ದಾಖಲೆಗಳನ್ನು ಮುರಿದಿದೆ. ಹಲವು ವರ್ಷಗಳ ನಂತರ ಈ ರೀತಿಯ ಸಿನಿಮಾ ಬಂದಿದ್ದು, ಬಹುತೇಕ ಎಲ್ಲಾ ಶೋಗಳು ಹೌಸ್‌ಫುಲ್ ಆಗಿವೆ. ಚಿತ್ರ ಬಿಡುಗಡೆಯಾಗಿ ಕೇವಲ ಎಂಟು ದಿನಗಳು ಕಳೆದಿದ್ದರೂ, ಅದರ ಬಜೆಟ್‌ಗಿಂತ ಹಲವು ಪಟ್ಟು ಹೆಚ್ಚು ಗಳಿಸಿದೆ. ಪ್ರಸ್ತುತ ಸಾಮಾಜಿಕ ಮಾಧ್ಯಮದಲ್ಲಿ ಈ ಚಿತ್ರದ ಬಗ್ಗೆ ಚರ್ಚೆ ನಡೆಯುತ್ತಿದೆ.

ಚಿತ್ರಕ್ಕೆ ವ್ಯಾಪಕ ಮೆಚ್ಚುಗೆ: 'ಮಹಾವತಾರ ನರಸಿಂಹ’ ಇದು ಅನಿಮೇಟೆಡ್ ಚಿತ್ರವಾಗಿದ್ದು, ಇದರ ಕಥೆ ಪೌರಾಣಿಕವಾಗಿದೆ. 2 ಗಂಟೆ 10 ನಿಮಿಷಗಳ ಈ ಚಿತ್ರದ ಕಥೆ ತುಂಬಾ ಹಳೆಯದು. ಅನೇಕರಿಗೆ ಈಗಾಗಲೇ ಈ ಕಥೆ ತಿಳಿದಿದೆ. ಆದರೆ, ನಿರ್ದೇಶಕ ಅಶ್ವಿನ್ ಕುಮಾರ್ ಈ ಚಿತ್ರವನ್ನು ಪ್ರೇಕ್ಷಕರಿಗೆ ತಂದ ರೀತಿಗೆ ಹೆಚ್ಚಿನ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.

ಜುಲೈ 25 ರಂದು ಬಿಡುಗಡೆಗೊಂಡ ಸಿನೆಮಾ, ಕೇವಲ 10 ದಿನಗಳಲ್ಲಿ 91 ಕೋಟಿ ರೂ.ಗಳಿಗೂ ಹೆಚ್ಚು ಕಲೆಕ್ಷನ್ ಮಾಡಿದೆ. ವಿಶ್ವ ಬಾಕ್ಸ್ ಆಫೀಸ್​ನಲ್ಲಿ 100 ಕೋಟಿ ರೂಪಾಯಿ ಗಡಿ ದಾಟಿದೆ. ಈ ಚಿತ್ರದ ಬಜೆಟ್ ಕೇವಲ 5 ಕೋಟಿ ರೂ. ಎಂದು ಹೇಳಲಾಗಿದೆ. ಈ ಚಿತ್ರವು IMDb ನಲ್ಲಿ 9.6 ರೇಟಿಂಗ್ ಪಡೆದಿದೆ. ಈ ರೇಟಿಂಗ್ ಭಾರತದಲ್ಲಿ ತಯಾರಾದ ಚಿತ್ರಕ್ಕೆ ಸಿಕ್ಕ ಅತ್ಯಧಿಕ ರೇಟಿಂಗ್ ಆಗಿದೆ.

ವಿಷ್ಣುವಿನ ನಾಲ್ಕನೇ ಅವತಾರದ ಕಥೆ: ಈ ಚಿತ್ರವು ಅನೇಕ ದೊಡ್ಡ ಚಿತ್ರಗಳನ್ನು ಮೀರಿಸಿದೆ. ಐಡಿಬಿ ರೇಟಿಂಗ್‌ನಲ್ಲಿ ನಟ ವಿಕ್ರಾಂತ್ ಮಾಸ್ಸೆ ಅವರ ‘12th ಫೇಲ್’, ‘ಅಂಬೆ ಶಿವಂ’, ‘ತ್ರೀ ಈಡಿಯಟ್ಸ್’ ಮತ್ತು ‘ಅಪುರ್ ಸಂಸಾರ್’ ಚಿತ್ರಗಳನ್ನು ‘ಮಹಾವತಾ ನರಸಿಂಹ’ ಹಿಂದಿಕ್ಕಿದೆ. 'ಮಹಾವತಾರ ನರಸಿಂಹ’ ಚಿತ್ರವು ವಿಷ್ಣುವಿನ ನಾಲ್ಕನೇ ಅವತಾರದ ಕಥೆಯನ್ನು ಚಿತ್ರಿಸುತ್ತದೆ. ವಿಷ್ಣು ತನ್ನ ಭಕ್ತ ಪ್ರಹ್ಲಾದನನ್ನು ರಕ್ಷಿಸಲು ನರಸಿಂಹನ ಅವತಾರವನ್ನು ತೆಗೆದುಕೊಳ್ಳುತ್ತಾನೆ. ಈ ಚಿತ್ರದಲ್ಲಿ ನಾಯಕ ಅಥವಾ ನಾಯಕಿ ಇಲ್ಲ. ಈ ಚಿತ್ರದಲ್ಲಿನ ಅನಿಮೇಷನ್ ಅನ್ನು ಸಹ ಪ್ರಶಂಸಿಸಲಾಗುತ್ತಿದೆ.