ಅಜೆಕಾರು ಓಮ್ನಿ ಡಿಕ್ಕಿ ಮೂವರಿಗೆ ಗಾಯ

ಕಾರ್ಕಳ : ರಸ್ತೆಯಲ್ಲಿ ನಡೆದುಕೊಂಡು ಹೋಗುತಿದ್ದ ಸಮಯದಲ್ಲಿ ಓಮ್ನಿ ಕಾರು ಢಿಕ್ಕಿಯಾದ ಘಟನೆ ಡಿ.೧೮ ರ ರಾತ್ರಿ ಅಜೆಕಾರು ಗುಡ್ಡೆಯಂಗಡಿ ಬಳಿ ನಡೆದಿದೆ. ರವಿ, ಸುಂದರ, ನಾರಾಯಣ, ಎಂಬುವವರು ಮೂವರು ರಸ್ತೆಯಲ್ಲಿ ನಡೆದು ಕೊಂಡು ಹೋಗುತಿದ್ದ ಸಮಯದಲ್ಲಿ ಹೆಬ್ರಿ ಕಡೆಯಿಂದ ವೇಗವಾಗಿ ಬರುತಿದ್ದ ಓಮ್ನಿ ಕಾರು ಮೂವರಿಗೆ ಢಿಕ್ಕಿ ಹೊಡೆದಿದೆ . ಸುಂದರ ಎಂಬವವರಿಗೆ ತಲೆಯ ಹಿಂಭಾಗಕ್ಕೆ ತೀವ್ರವಾದ ಪಟ್ಟಾಗಿದ್ದು ಅವರನ್ನು ಮಣಿಪಾಲ ಕೆ.ಎಂ.ಸಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ನಾರಾಯಣ ಎಂಬುವವರಿಗೆ ಬಲಕಣ್ಣು ತುಟಿ ಭಾಗಗಳಿಗೆ ಗಾಯಗಳಾಗಿವೆ , ಕಾರು ನಿಲ್ಲಿಸದೆ ಹೋದ ಕಾರಣ ಪೋಲೀಸರು ಪತ್ತೆಗಾಗಿ ಬಲೆ ಬೀಸಿದ್ದಾರೆ. ಅಜೆಕಾರು ಪೋಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.