ಜ್ಞಾನಸುಧಾ ಪ್ರೌಢಶಾಲೆಯ ಸ್ಕೌಟ್ಸ್-ಗೈಡ್ಸ್ ವಿದ್ಯಾರ್ಥಿಗಳಿಂದ ಸಂಭ್ರಮದ ದೀಪಾವಳಿ ಗೋಪೂಜೆ ಆಚರಣೆ

ಕಾರ್ಕಳ : ಕಣ್ಣಿಗೆ ಕಾಣುವ ದೇವರೆಂದೇ ಪೂಜಿಸಲ್ಪಡುವ ಕಾಮಧೇನು ಗೋವಿನಲ್ಲಿ ೩೩ ಕೋಟಿ ದೇವರು ನೆಲೆಸಿದ್ದಾರೆ. ಗೋವಿಗೆ ಪೂಜೆ ಮಾಡಿದರೆ ೩೩ ಕೋಟಿ ದೇವರಿಗೆ ಸಮರ್ಪಿತವಾಗುತ್ತದೆ ಎಂಬ ನಂಬಿಕೆಗಳಿವೆ. ಈ ಕಾರಣದಿಂದ ದೀಪಾವಳಿ ಸಂದರ್ಭದಲ್ಲಿ ವಿಶೇಷವಾಗಿ ಗೋಮಾತೆಗೆ ಪುಷ್ಪಗಳಿಂದ ಸಿಂಗಾರಗೊಳಿಸಿ ಆರಾಧನೆ ಮಾಡಲಾಗುತ್ತದೆ.

ಕಾರ್ಕಳ ಜ್ಞಾನಸುಧಾ ಆಂಗ್ಲ ಮಾಧ್ಯಮ ಶಾಲೆಯ ಸ್ಕೌಟ್ಸ್ ಗೈಡ್ಸ್ ವಿದ್ಯಾರ್ಥಿಗಳಿಂದ ಕಾರ್ಕಳದ ಶ್ರೀ ವೆಂಕಟರಮಣ ಗೋಶಾಲ ಟ್ರಸ್ಟ್ನಲ್ಲಿ ಗೋವುಗಳಿಗೆ ಆರತಿ ಬೆಳಗುವ ಮೂಲಕ ಗೋಪೂಜೆಯನ್ನು ನೆರವೇರಿಸಲಾಯಿತು. ಜ್ಞಾನಸುಧಾ ಸಂಸ್ಥೆಯ ವತಿಯಿಂದ ಗೋವುಗಳಿಗೆ ಹಣ್ಣು-ಹಂಪಲು ಮತ್ತು ಬೆಲ್ಲವನ್ನು ನೀಡಿದರು.