ಹೆಬ್ರಿಯಲ್ಲಿ ಚಂಡಿಕಾಯಾಗ, ನವರಾತ್ರಿ ಉತ್ಸವ.

ಹೆಬ್ರಿ : ಬೈಲುಮನೆ ಶ್ರೀ ರಾಘವೇಂದ್ರ ಮಠದಲ್ಲಿರುವ ಅನ್ನಪೂರ್ಣೇಶ್ವರಿ ದೇವಿ ಸನ್ನಿಧಿಯಲ್ಲಿ ಶರನ್ನವರಾತ್ರಿ ಪ್ರಯುಕ್ತ ವಿಶೇಷ ಪೂಜೆ, ಚಂಡಿಕಾಯಾಗ, ಸುಹಾಸಿನಿ ಆರಾಧನೆ ಹಾಗೂ ಅನ್ನಸಂತರ್ಪಣೆ ಧರ್ಮದರ್ಶಿ ವೇದಮೂರ್ತಿ ಹೆಚ್. ಗೋಪಾಲ ಆಚಾರ್ಯ ನೇತೃತ್ವದಲ್ಲಿ ಮಂಗಳವಾರ ನಡೆಯಿತು. ವಿದ್ವಾನ್ ಬೆಳ್ಳಗುಂಡಿ ರಾಘವೇಂದ್ರ ಅಡಿಗ ಸಂಗಡಿಗರು ಧಾರ್ಮಿಕ ವಿಧಿವಿಧಾನಗಳನ್ನು ನಡೆಸಿಕೊಟ್ಟರು. ಪ್ರಧಾನ ಅರ್ಚಕ ವೆಂಕಟೇಶ ಆಚಾರ್ಯ ಮತ್ತು ಸಹೋದರರು ಸಹಕರಿಸಿದರು.