ಗಾಂಜಾ ಸೇವನೆ: ಬೆಳಪು ಗ್ರಾಮದ ಪಣಿಯೂರಿನಲ್ಲಿ ಯುವಕ ಪೊಲೀಸ್ ವಶಕ್ಕೆ

ಶಿರ್ವ: ಗಾಂಜಾ ಸೇವನೆ ಸಂಬಂಧಿಸಿ ಯುವಕನೋರ್ವನನ್ನು ಶಿರ್ವಾ ಪೊಲೀಸರು ವಶಕ್ಕೆ ಪಡೆದರು ಘಟನೆ ಬೆಳಪು ಗ್ರಾಮದ ಪಣಿಯೂರು ಬಳಿ ನಡೆದಿದೆ. ಕಾಪು ಮುಳೂರು ನಿವಾಸಿ 19ವರ್ಷದ ತುಫೇಲ್ ಪೊಲೀಸ್ ವಶಕ್ಕೆ ಪಡೆದ ಆರೋಪಿ.‌ ಈತ ಆ.22ರಂದು ಪಣಿಯೂರು ಬಳಿ ಅಮಲು ಪದಾರ್ಥ ಸೇವನೆ ಮಾಡಿರುವುದು ಕಂಡು ಬಂದಿದ್ದು, ಪೊಲೀಸರು ವಶಕ್ಕೆ ಪಡೆದು ವೈದ್ಯಕೀಯ ಪರೀಕ್ಷೆಗೆ ಒಳಪಡಿಸಿದ್ದಾರೆ. ಆ.23ರಂದು ಬಂದಿರುವ ವೈದ್ಯಕೀಯ ವರದಿಯಲ್ಲಿ ತುಫೇಲ್ ಗಾಂಜಾ ಸೇವಿಸಿರುವುದು ದೃಢಪಟ್ಟಿದೆ. ಈ ಬಗ್ಗೆ ಶಿರ್ವಾ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ..