ಡಿವೈನ್ ಪ್ರೇಯರ್ ಸೆಂಟರ್ ನಲ್ಲಿ ತಪಸ್ಸು ಕಾಲದ ಪ್ರಯುಕ್ತ ಡಿವೈನ್ ವಚನ ಮಹೋತ್ಸವ

ಡಿವೈನ್ ಪ್ರೇಯರ್ ಸೆಂಟರ್ ತೊಕ್ಕೊಟ್ಟು (ತೊಕ್ಕೊಟ್ಟು ಬಸ್ಸ್ ಸ್ಟಾö್ಯಂಡ್ ಹಿಂಬದಿ) ಇಲ್ಲಿ ತಪಸ್ಸು ಕಾಲದ ಪ್ರಯುಕ್ತ ‘ಡಿವೈನ್ ವಚನ ಮಹೋತ್ಸವ’ ಇಂದಿನಿಂದ ಮೂರು ದಿನಗಳ ಕಾಲ ಬೆಳಿಗ್ಗೆ ೯ ರಿಂದ ಸಂಜೆ ೬ರ ವರೆಗೆ ಕನ್ನಡದಲ್ಲಿ ರಿಟ್ರೀಟ್ ನಡೆಯಲಿರುವುದು.

ಪೊಟ್ಟಾ ಡಿವೈನ್ ರಿಟ್ರೀಟ್ ಸೆಂಟರಿನ ಪ್ರಖ್ಯಾತ ಬ್ರದರ್ ಸಾಜಿತ್ ಜೋಸೆಫ್ ಮುಖ್ಯ ಪ್ರಭೋಧಕರಾಗಿ ನಡೆಸಿಕೊಡಲಿದ್ದು, ತೊಕ್ಕೊಟ್ಟು ಡಿವೈನ್ ಪ್ರೇಯರ್ ಸೆಂಟರ್ ನಿರ್ದೇಶಕರಾದ ಫಾ| ಜೋಸೆಫ್ ವಾಣಿಯಂತರ, ಪೆರ್ಮನ್ನೂರು ಸೈಂಟ್ ಸೆಬಾಸ್ಟಿಯನ್ ಚರ್ಚ್ ಪ್ರಧಾನ ಗುರುಗಳಾದ ಫಾ| ಸಿಪ್ರಿಯನ್ ಪಿಂಟೊ ಮತ್ತು ತೊಕ್ಕೊಟ್ಟು ಡಿವೈನ್ ಪ್ರೇಯರ್ ಸೆಂಟರ್ ಸಹಾಯಕ ಗುರುಗಳಾದ ಫಾ| ಜೋಲಿ ತಡತ್ತಿಲ್ ಬೈಬಲ್ ಪ್ರತಿಷ್ಟಾಕರು ಪ್ರವಚನ ನೀಡಲಿದ್ದು, ಡಿವೈನ್ ತಂಡದಿಂದ ಸ್ತುತಿ ಆರಾಧನೆ, ಪ್ರವಚನ, ಬಲಿಪೂಜೆ ಹಾಗೂ ರೋಗ ಸೌಖ್ಯಕ್ಕಾಗಿ ವಿಶೇಷ ಪ್ರಾರ್ಥನೆ ಇರಲಿದೆ. ಫಾ| ಜೋಸೆಫ್ ವಾಣಿಯಂತರ ಇವರು ಸರ್ವರಿಗೂ ಇದರಿಂದ ಸ್ವಾಗತ ಬಯಸಿದ್ದು, ಎಲ್ಲರೂ ಆಗಮಿಸಿ, ತಪಸ್ಸು ಕಾಲದಲ್ಲಿ ದೇವರ ಕೃಪೆಯನ್ನು ಪಡೆಯಲು ಕೋರಿದ್ದಾರೆ.