ಆ್ಯಮ್‌ಸ್ಟರ್‌’ಡಾಂನಲ್ಲಿ ಹೋಟೆಲ್ ತೆರೆದ ಮಾಜಿ ಕ್ರಿಕೆಟಿಗ ಸುರೇಶ್ ರೈನಾ

ಬೆಂಗಳೂರು: ‘ಟೀಂ ಇಂಡಿಯಾ’ದ ಮಾಜಿ ಕ್ರಿಕೆಟರ್ ಸುರೇಶ್ ರೈನಾ ಅವರು ಯುರೋಪ್‌’ನ ನೆದರ್ಲೆಂಡ್ಸ್‌’ನ ರಾಜಧಾನಿ ಆಮ್‌ಸ್ಟರ್‌ಡ್ಯಾಮ್‌’ನಲ್ಲಿ ಹೋಟೆಲ್ ಒಂದನ್ನು ತೆರೆದಿದ್ದಾರೆ.

ಈ ವಿಚಾರವನ್ನು ಅವರು ಟ್ವಿಟರಿನಲ್ಲಿ ತಿಳಿಸಿದ್ದು ಹೋಟೆಲಿಗೆ ‘ರೈನಾ ಇಂಡಿಯನ್ ರೆಸ್ಟೋರಂಟ್’ ಎಂದು ಹೆಸರಿಡಲಾಗಿದೆ.

‘ಆಮ್‌ಸ್ಟರ್‌ಡ್ಯಾಮ್‌’ ನ ಹೃದಯ ಭಾಗದಲ್ಲಿ ಇಂಡಿಯನ್ ರೆಸ್ಟೋರಂಟ್ ಪರಿಚಯಿಸಲು ನನಗೆ ತುಂಬಾ ಸಂತೋಷವಾಗುತ್ತಿದೆ. ಭೋಜನದ ಮೇಲಿನ ನನ್ನ ಪ್ರೀತಿಯನ್ನು ನೀವು ಈಗಾಗಲೇ ನೋಡಿದ್ದೀರಿ. ಭಾರತದ ಬಹುಬಗೆಯ ನಿಜವಾದ ರುಚಿಗಳನ್ನು ಇಲ್ಲಿರುವ ಭಾರತೀಯರು ಸೇರಿದಂತೆ ಯುರೋಪ್ ಜನರಿಗೆ ತಲುಪಿಸುತ್ತಿದ್ದೇನೆ’ ಎಂದು ತಿಳಿಸಿದ್ದಾರೆ.