ಅಮೆರಿಕದ ಭಾರತ ರಾಯಭಾರಿಯಾಗಿ ಮಾಜಿ ಮೇಯರ್ ಎರಿಕ್ ನೇಮಕ

ವಾಷಿಂಗ್ಟನ್: ಅಮೆರಿಕದ ನೂತನ ಭಾರತ ರಾಯಭಾರಿಯಾಗಿ ಲಾಸ್ ಏಂಜಲೀಸ್ ನಗರದ ಮಾಜಿ ಮೇಯರ್ ಎರಿಕ್ ಗ್ರಾಸೇಟ್ಟಿ ಅವರನ್ನು ನೇಮಕ ಮಾಡಲು ಸೆನೆಟ್ ಒಪ್ಪಿಗೆ ಸೂಚಿಸಿದೆ. 52 ಸದಸ್ಯರು ಪರವಾಗಿ ಮತ ಚಲಾಯಿಸಿದ್ದರೇ 42 ಮಂದಿ ಈ ಪ್ರಸ್ತಾಪವನ್ನು ವಿರೋಧಿಸಿದರು.

ಈ ಮೂಲಕ ಎರಿಕ್ ನೇಮಕಾತಿಗೆ ಹಸಿರು ನಿಶಾನೆ ದೊರೆತಿದೆ. ಅಮೆರಿಕ ಮತ್ತು ಭಾರತ ಮಧ್ಯೆ ರಕ್ಷಣೆ ಸೇರಿದಂತೆ ಹಲವು ಕ್ಷೇತ್ರಗಳಲ್ಲಿ ನಿಕಟ ಸಹಕಾರ ಇದ್ದು, ರಾಯಭಾರಿ ನೇಮಕ ಅತ್ಯಂತ ಮಹತ್ವ ಪಡೆದುಕೊಂಡಿದೆ.

ಶೀಘ್ರದಲ್ಲಿಯೇ ಎರಿಕ್ ಭಾರತದಲ್ಲಿ ಅಧಿಕಾರ ವಹಿಸಿಕೊಳ್ಳಲಿದ್ದಾರೆ ಎಂದು ವರದಿಯಾಗಿದೆ.