ಹೆಬ್ರಿ : ಕುಂದಾಪುರ - ಬ್ರಹ್ಮಾವರ ದಿಂದ ಬರುವ ಬಸ್‌ ಉಡುಪಿ ರಸ್ತೆಯಿಂದ ಹೆಬ್ರಿ ಬಸ್‌ ನಿಲ್ದಾಣ ಪ್ರವೇಶಿಸುವಂತೆ ಆರ್‌ ಟಿಒಗೆ ಮನವಿ.

ಹೆಬ್ರಿ : ಹೆಬ್ರಿಗೆ ಬ್ರಹ್ಮಾವರ ಮತ್ತು ಕುಂದಾಪುರ ದಿಂದ ಬರುವ ಬಸ್ಸುಗಳನ್ನು ಸರ್ಕಾರಿ ಪ್ರಥಮದರ್ಜೆ ಕಾಲೇಜು ರಸ್ತೆಯಾಗಿ ಉಡುಪಿ ರಸ್ತೆಗೆ ಬಂದು ಬಸ್‌ ನಿಲ್ದಾಣ ಪ್ರವೇಶಿಸಲು ಆದೇಶ ನೀಡುವಂತೆ ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ಮಾಲತಿ ನೇತ್ರತ್ವದಲ್ಲಿ ಇತ್ತೀಚೆಗೆ ಪ್ರಾದೇಶಿಕ ಸಾರಿಗೆ ಇಲಾಖೆಯ ಅಧಿಕಾರಿಗಳಿಗೆ ಮನವಿ ಸಲ್ಲಿಸಲಾಯಿತು. ಹೆಬ್ರಿ ನೂತನ ತಾಲ್ಲೂಕು ಕಚೇರಿಗೆ ಬರಲು ಸಾರ್ವಜನಿಕರಿಗೆ ಮತ್ತು ಕಾಲೇಜಿಗೆ ಬರುವ ವಿದ್ಯಾರ್ಥಿಗಳಿಗೆ ಅನುಕೂಲವಾಗುವಂತೆ ಉಡುಪಿ ರಸ್ತೆಯ ಮೂಲಕ ಕುಂದಾಪುರ - ಬ್ರಹ್ಮಾವರದಿಂದ ಹೆಬ್ರಿಗೆ ಬರುವ ಬಸ್‌ಗಳನ್ನು ಪ್ರವೇಶಿಸಲು ಅವಕಾಶ ನೀಡಬೇಕೆಂದು ಹೆಬ್ರಿ ಗ್ರಾಮ ಪಂಚಾಯಿತಿಯ ಗ್ರಾಮಸಭೆಯಲ್ಲಿ ಒತ್ತಾಯಿಸಿದ್ದು ಗ್ರಾಮ ಪಂಚಾಯಿತಿಯಲ್ಲೂ ನಿರ್ಣಯಕೈಗೊಳ್ಳಲಾಗಿತ್ತು. ಹೆಬ್ರಿ ಗ್ರಾಮ ಪಂಚಾಯಿತಿ ಸದಸ್ಯರಾದ ಎಚ್. ಜನಾರ್ಧನ್‌, ಸುಧಾಕರ ಹೆಗ್ಡೆ, ಕೃಷ್ಣ ನಾಯ್ಕ್‌, ತಾರಾನಾಥ ಬಂಗೇರ ಹಾಜರಿದ್ದರು.