21 ವರ್ಷದ ಬಳಿಕ ಮತ್ತೆ ಭಾರತಕ್ಕೆ ವಿಶ್ವ ಸುಂದರಿ ಪಟ್ಟ

ನವದೆಹಲಿ: 21 ವರ್ಷದ ಬಳಿಕ ಭಾರತಕ್ಕೆ ವಿಶ್ವ ಸುಂದರಿ ಪಟ್ಟ ಲಭಿಸಿದೆ. 2021ರ ಸಾಲಿನ ಮಿಸ್​ ಯೂನಿವರ್ಸ್​ ಪಟ್ಟಕ್ಕೆ ಭಾರತದ ಪಂಜಾಬ್​​ನ ಹರ್ನಾಜ್​ ಸಂಧು ಮಿಸ್​ ಯೂನಿವರ್ಸ್​ ಆಗಿ ಆಯ್ಕೆಯಾಗಿದ್ದಾರೆ.

ಇಸ್ರೇಲ್‌ನ ಐಲಾಟ್‌ನಲ್ಲಿ ನಡೆದ “ಮಿಸ್​ ಯೂನಿವರ್ಸ್ -2021” ಸ್ಪರ್ಧೆಯಲ್ಲಿ ಹರ್ನಾಜ್​ ಸಂಧು ಭಾರತವನ್ನು ಪ್ರತಿನಿಧಿಸಿದ್ದರು. ವೃತ್ತಿಯಲ್ಲಿ ಮಾಡೆಲ್​ ಆಗಿರುವ ಹರ್ನಾಜ್​ ಸಂಧು, ಪಂಜಾಬ್​ನ ಚಂಡಿಘಡ ಮೂಲದರಾಗಿದ್ದಾರೆ. 2017ರಲ್ಲಿ ಮಿಸ್​ ಚಂಡಿಘಡ ಪ್ರಶಸ್ತಿ ಪಡೆದಿದ್ದ ಸಂಧುಗೆ ಮೆಕ್ಸಿಕೊದ ಆಂಡ್ರಿಯಾ ಮೆಜಾ ಮಿಸ್​ ಯೂನಿವರ್ಸ್ ಕಿರೀಟ ತೊಡಿಸಿದ್ದಾರೆ.

ಇದರೊಂದಿಗೆ 70ನೇ ವಿಶ್ವ ಸುಂದರಿ ಪಟ್ಟ ಹರ್ನಾಜ್​ ಸಂಧುಗೆ ಸಿಕ್ಕಿದೆ. ಆ ಮೂಲಕ 21 ವರ್ಷದ ಬಳಿಕ ಭಾರತಕ್ಕೆ ವಿಶ್ವ ಸುಂದರಿ ಪಟ್ಟ ದೊರಕಿದೆ. ಈ ಹಿಂದೆ 2000ರಲ್ಲಿ ಲಾರಾ ದತ್ತಾಗೆ ಕೊನೆಯ ಬಾರಿಗೆ ಮಿಸ್​ ಯೂನಿವರ್ಸ್​ ಪಟ್ಟ ಲಭಿಸಿತ್ತು