ಮತ್ತೆ ಸುರಿಯುತಿದೆ ಮಳೆ...........

ಸುರಿಯುತಿದೆ ಮಳೆ... ಭೂರಮೆಯ  ತೊಳೆಯಲು ಕೊಳೆ...

ಬಣ್ಣವ ಪಡೆಯಿತು ಹೊಳೆ ಅಹಾ ! ಭೂಮಿಗಿಂದು  ಸ್ವರ್ಗದ ಕಳೆ......

ಗಡಗಡ ಗುಡುಗುವ ಆಗಸ , ಓಟಕಿತ್ತ  ಮೋಡಗಳ ರಭಸ , ಚಟ್ಟನೆ  ಸಿಡಿಯುವ ಸಿಡಿಲು, . ಅಹಾ ! ನಭಕ್ಕಿದು ಸ್ವರ್ಗದ ಕಳೆ ..

ಹೊದಿಸಿದೆ ಭುವಿಗೆ ಹಸಿರಿನ ಸೀರೆ , ಹೊದ್ದುಮಲಗಿದ ಸೌಂದರ್ಯವ ಕಂಡು ನಕ್ಕಳು ನೀರೇ ಗುನುಗುವ ಕೀಟಗಳ ಕಂಪು, ಸಂತಸದಿ ಪುಟಿಯುವ ಹಸುಗಳ ಗುಂಪು, ಅಹಾ! ಮನಸಾರೆ ಸವಿಯೋಣ ಬಾರೆ ,

ಮನದಾಳದಲಿ ಮೂಡಿದೆ ಪ್ರಶ್ನೆಯೊಂದು , ಪ್ರಸ್ತಾಪಿಸಲೆ ನಿಮ್ಮೆದುರು ನಾನಿಂದು , ಎಲ್ಲಾ ಕೊಳೆಯನು ತೊಳೆವ ಮಳೆ , ತೊಳೆಯಿತೇ .... ಮಾನವನ ಅಂತರಂಗದ ಕೊಳೆ

......ಜಿ.ಪಿ.ಕೆ

ಜಿ.ಪಿ.ಕೆ ಎಂದು ಕರೆಯಲ್ಪಡುವ ಲೇಖಕ. ಡಾ. ಗುರುಪ್ರಸಾದ್ ಕಳ್ತೂರು . ಇವರು ಮೂಲತಃ ಹೆಬ್ರಿ ತಾಲೂಕಿನ ಕಳ್ತೂರು ಪ್ರದೇಶದವರು. ಪ್ರಸ್ತುತ ಮಣಿಪಾಲದಲ್ಲಿ ವೈದ್ಯರಾಗಿದ್ದು ಬರಹದಲ್ಲಿ ಅತಿ ಆಸಕ್ತಿ. ಹವ್ಯಾಸಿ ಹಾಡುಗಾರರು ,ಛಾಯಾಗ್ರಾಹಕ, ಚಾರಣಿಗರು ಕೂಡ . ಪರಿಸರ ಪ್ರೇಮಿಯಾಗಿ ಗುರುತಿಸಿಕೊಂಡವರು