ಕಾರ್ಕಳ: ಗಾಂಜಾ ಸೇವಿಸುತ್ತಿದ್ದ ಮೂವರು ಪೊಲೀಸ್ ವಶಕ್ಕೆ

ಕಾರ್ಕಳ:

ಕಾರ್ಕಳ: ಗಾಂಜಾ ಸೇವನೆಗೆ ಸಂಬಂಧಿಸಿ ಮೂವರು ಯುವಕರನ್ನು‌ ಉಡುಪಿ‌ ಸೆನ್ ಅಪರಾಧ ಪೊಲೀಸ್ ಠಾಣೆಯ ಪೊಲೀಸರು ವಶಕ್ಕೆ ಪಡೆದುಕೊಂಡ ಘಟನೆ ಕಾರ್ಕಳ ಕಸಬಾ ಗ್ರಾಮದ ರಾಮಸಮುದ್ರ ಕೆರೆಯ ಬಳಿ ನಡೆದಿದೆ. ಬ್ರಹ್ಮಾವರ ಮಟ್ಪಾಡಿ ಗ್ರಾಮದ 25ವರ್ಷದ ಯೊಗೀಶ್ ಗಾಣಿಗ, ಪ್ರಸ್ತುತ ಕಾರ್ಕಳ ಕಸಬಾದ ಸುವಿದಾ ಅಪಾರ್ಟ್‌ಮೆಂಟ್ ನಲ್ಲಿ‌ ವಾಸವಾಗಿರುವ ಹೊಸನಗರದ 20ವರ್ಷದ ಶ್ರೇಯಸ್ ಹಾಗೂ ಸುವಿದಾ ಅಪಾರ್ಟ್ ಮೆಂಟ್ ನಲ್ಲಿ‌ ವಾಸವಾಗಿರುವ ಕೊಪ್ಪದ 22ವರ್ಷದ ನಂದೀಶ್ ಎಂಬವರು ಪೊಲೀಸರು ವಶಕ್ಕೆ ಪಡೆದ ಆರೋಪಿಗಳು. ಇವರು ಆ.21ರಂದು ಕಸಬಾ ಗ್ರಾಮದ ರಾಮಸಮುದ್ರ ಕೆರೆಯ ಬಳಿ ಅಮಲು ಪದಾರ್ಥ ಸೇವಿಸಿದಂತೆ ಕಂಡುಬಂದಿದ್ದು, ಇವರನ್ನು ವಶಕ್ಕೆ ಪಡೆದ ಪೊಲೀಸರು ವೈದ್ಯಕೀಯ ಪರೀಕ್ಷೆಗೆ ಒಳಪಡಿಸಿದ್ದರು. ಆ.22ರಂದು ಬಂದಿರುವ ವರದಿಯಲ್ಲಿ ಮೂವರು ಗಾಂಜಾ ಸೇವನೆ ಮಾಡಿರುವುದು ದೃಢಪಟ್ಟಿದೆ. ಈ ಬಗ್ಗೆ ಉಡುಪಿ ಸೆನ್ ಠಾಣೆಯಲ್ಲಿ ಪ್ರತ್ಯೇಕ ಪ್ರಕರಣ ದಾಖಲಾಗಿದೆ.