ಮಣಿಪಾಲದ ಕಸ್ತೂರ್ಬಾ ಆಸ್ಪತ್ರೆ: ಜುಲೈ 30 ಮತ್ತು 31 ರಂದು ಉಚಿತವಾಗಿ ಫಲವತ್ತತೆ ಮತ್ತು ಬಂಜೆತನ ತಪಾಸಣಾ ಶಿಬಿರ.

ಮಣಿಪಾಲ: ಬಂಜೆತನ ಮತ್ತು ಸಂತಾನೋತ್ಪತ್ತಿ ಆರೋಗ್ಯದ ಬಗ್ಗೆ ಹೆಚ್ಚುತ್ತಿರುವ ಕಳವಳಗಳನ್ನು ಪರಿಹರಿಸುವ ಗುರಿಯನ್ನು ಹೊಂದಿರುವ ಮಹತ್ವದ ಉಪಕ್ರಮದಲ್ಲಿ, ಮಣಿಪಾಲದ ಕಸ್ತೂರ್ಬಾ ಆಸ್ಪತ್ರೆಯು ಬುಧವಾರ , ಜುಲೈ 30 ಮತ್ತು ಗುರುವಾರ , 31, 2025 ರಂದು ಉಚಿತವಾಗಿ ಫಲವತ್ತತೆ ಮತ್ತು ಬಂಜೆತನ ತಪಾಸಣಾ ಶಿಬಿರವನ್ನು ಆಯೋಜಿಸುತ್ತಿದೆ. ಆಸ್ಪತ್ರೆಯ ಸಂತಾನೋತ್ಪತ್ತಿ ಔಷಧ ಮತ್ತು ಶಸ್ತ್ರಚಿಕಿತ್ಸಾ ವಿಭಾಗದಲ್ಲಿ ಎರಡೂ ದಿನ ಬೆಳಿಗ್ಗೆ 9:30 ರಿಂದ ಮಧ್ಯಾಹ್ನ 12:30 ರವರೆಗೆ ಈ ಶಿಬಿರವ ನಡೆಯಲಿದೆ.

ಈ ಶಿಬಿರವು ದಂಪತಿಗಳು ಮತ್ತು ವ್ಯಕ್ತಿಗಳಿಗೆ ಫಲವತ್ತತೆಗೆ ಸಂಬಂಧಿಸಿದ ಸವಾಲುಗಳ ಕುರಿತು ಮುಕ್ತ ಮಾತುಕತೆ ಮತ್ತು ಅವರಿಗೆ ತಜ್ಞರ ಸಮಾಲೋಚನೆ ಹಾಗೂ ಆರಂಭಿಕ ರೋಗನಿರ್ಣಯ ಪರೀಕ್ಷೆಗಳನ್ನು ರಿಯಾಯಿತಿ ದರದಲ್ಲಿ ನೀಡಲಿದೆ. ವೈದ್ಯರ ಸಮಾಲೋಚನೆ ಉಚಿತವಾಗಿದ್ದು , ಆಯ್ದ ಫಲವತ್ತತೆ ತನಿಖೆಗಳಲ್ಲಿ 50% ರಿಯಾಯಿತಿ ನೀಡಲಾಗುವುದು, ಅವುಗಳೆಂದರೆ:

• ವೀರ್ಯ ವಿಶ್ಲೇಷಣೆ

• ಆಂಟಿ-ಮುಲ್ಲೇರಿಯನ್ ಹಾರ್ಮೋನ್ (AMH) ಪರೀಕ್ಷೆ

• ಮೂಲ ಹಾರ್ಮೋನ್ ಪ್ರೊಫೈಲ್

• ಪೆಲ್ವಿಕ್ ಅಲ್ಟ್ರಾಸೌಂಡ್ ಸ್ಕ್ಯಾನ್

ಈ ಶಿಬಿರದ ಕುರಿತು ಮಾತನಾಡಿದ ಸಂತಾನೋತ್ಪತ್ತಿ ಔಷಧ ಮತ್ತು ಶಸ್ತ್ರಚಿಕಿತ್ಸಾ ವಿಭಾಗದ ಪ್ರಾಧ್ಯಾಪಕ ಮತ್ತು ಮುಖ್ಯಸ್ಥ ಡಾ. ಪ್ರಶಾಂತ್ ಅಡಿಗ ಅವರು "ಒಂದು ವರ್ಷಕ್ಕೂ ಹೆಚ್ಚು ಕಾಲ ಗರ್ಭಧರಿಸಲು ಪ್ರಯತ್ನಿಸುತ್ತಿರುವ ದಂಪತಿಗಳು, ಫಲವತ್ತತೆ ಸಮಸ್ಯೆಗಳಿರುವ ವ್ಯಕ್ತಿಗಳು, ಬಂಜೆತನ ತೊಂದರೆ ಅನುಭವಿಸುತ್ತಿರುವವರು , ಐವಿಎಫ್ ಅಥವಾ ಇತರ ವೈದ್ಯಕೀಯ ನೆರವಿನ ಸಂತಾನೋತ್ಪತ್ತಿ ತಂತ್ರಗಳನ್ನು ಪರಿಗಣಿಸಲು ತಯಾರಿದ್ದವರು ಮತ್ತು ಈಗಾಗಲೇ ಬೇರೆ ವೈದ್ಯರನ್ನು ಸಂಪರ್ಕಿಸಿ ಎರಡನೇ ಅಭಿಪ್ರಾಯವನ್ನು ಪಡೆಯಲು ಬಯಸುವವರಿಗೆ, ಪುನರಾವರ್ತಿತ ಗರ್ಭಪಾತಗಳು, ವಿಫಲವಾದ ಐಯುಐ/ಐವಿಎಫ್ ಪ್ರಯತ್ನಗಳು ಅಥವಾ ಕಡಿಮೆ ವೀರ್ಯ ಎಣಿಕೆ ಹೊಂದಿರುವ ರೋಗಿಗಳಿಗೆ ಈ ಶಿಬಿರ ಪ್ರಯೋಜನಕಾರಿಯಾಗಿದೆ. ಸಂತಾನೋತ್ಪತ್ತಿ ಆರೋಗ್ಯ ಮತ್ತು ಫಲವತ್ತತೆ ಆಯ್ಕೆಗಳ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ಆಸಕ್ತಿ ಹೊಂದಿರುವ ಯಾರಾದರೂ ಹಾಜರಾಗಲು ನಾವು ಪ್ರೋತ್ಸಾಹಿಸುತ್ತೇವೆ" ಎಂದು ಹೇಳಿದರು.

ಕಸ್ತೂರ್ಬಾ ಆಸ್ಪತ್ರೆಯ ವೈದ್ಯಕೀಯ ಅಧೀಕ್ಷಕ ಡಾ. ಅವಿನಾಶ್ ಶೆಟ್ಟಿ ಅವರು ಜಾಗೃತಿ ಮತ್ತು ಆರಂಭಿಕ ಪತ್ತೆ ಹಚ್ಚುವಿಕೆ ಮಹತ್ವವನ್ನು ಒತ್ತಿ ಹೇಳಿದರು: "ಬಂಜೆತನವು ಸಾಮಾನ್ಯ ಆದರೆ ಇದು ಗುಣಪಡಿಸಬಹುದಾದ ಸ್ಥಿತಿಯಾಗಿದೆ. ಈ ಶಿಬಿರವು ಸಕಾಲಿಕ ಮಾರ್ಗದರ್ಶನ ಮತ್ತು ತಜ್ಞರ ಬೆಂಬಲವನ್ನು ನೀಡಲು ಹಾಗೂ ದಂಪತಿಗಳ ಮಗು ಪಡೆಯುವ ಕನಸುಗಳನ್ನು ನನಸಾಗಿಸುವತ್ತ ಮೊದಲ ಹೆಜ್ಜೆ ಇಡಲು ಸಹಾಯ ಮಾಡಲು ವಿನ್ಯಾಸಗೊಳಿಸಲಾಗಿದೆ." ಎಂದರು.

ಆಸಕ್ತಿ ಹೊಂದಿರುವ ವ್ಯಕ್ತಿಗಳು ಮತ್ತು ದಂಪತಿಗಳು ಕನಿಷ್ಠ ವೆಚ್ಚದಲ್ಲಿ ವಿಶೇಷ ಆರೈಕೆಯನ್ನು ಪಡೆಯಲು ಈ ಅವಕಾಶವನ್ನು ಬಳಸಿಕೊಳ್ಳಲು ಆಸ್ಪತ್ರೆ ಪ್ರೋತ್ಸಾಹಿಸುತ್ತದೆ. ಹೆಚ್ಚಿನ ವಿವರಗಳಿಗಾಗಿ, ಸಂಪರ್ಕಿಸಿ: 0820-2922162