ಮಲ್ಪೆ : ಪಾದಾಚಾರಿಗೆ ಟೆಂಪೋ ವಾಹನ ಡಿಕ್ಕಿ ಯುವಕ ಮೃತ್ಯು

ಉಡುಪಿ:ರಸ್ತೆಯಲ್ಲಿ ನಡೆದುಕೊಂಡು ಹೋಗುತಿದ್ದಾಗ ಟೆಂಪೋ ವಾಹನ ಢಿಕ್ಕಿ ಯಾಗಿ ಯುವಕ ಸಾವಿಗೀಡಾದ ಘಟನೆ ಮಲ್ಪೆ ಬಂದರಿನ ಗೇಟ್ ಬಳಿ ನಡೆದಿದೆ. ಮಹೇಶ್ ಸಾವಿಗೀಡಾದ ಯುವಕ. ಮಹೇಶ್ ಮಲ್ಪೆ ದಕ್ಕೆಯಲ್ಲಿ ಮೀನುಗಾರಿಕೆ ಮಾಡಿಕೊಂಡಿದ್ದು ,ಜ. 1 ರಂದು ಸಂಜೆ 7 ಘಂಟೆ ಸಮಯದಲ್ಲಿ ಕೆಲಸ ಮುಗಿಸಿ ಮನೆಗೆ ನಡೆದುಕೊಂಡು ಮರಳುತಿದ್ದಾಗ ಟೆಂಪೊ ಡಿಕ್ಕಿಯಾಗಿ ಮೃತಪಟ್ಟಿದ್ದಾರೆ. ಟೆಂಪೋ ಚಾಲಕ ವೇಗವಾಗಿ ವಾಹನ ಚಲಾಯಿಸಿದ ಪರಿಣಾಮ ಈ ಘಟನೆ ಸಂಭವಿಸಿದೆ. ಮಲ್ಪೆ ಠಾಣೆ ಯಲ್ಲಿ ಪ್ರಕರಣ ದಾಖಲಾಗಿದೆ.