ಮಂಗಳೂರು : ಅಪ್ರಾಪ್ರೆಯ ಅತ್ಯಾಚಾರಗೈದು ಕೊಲೆಗೈದ ಪ್ರಕರಣ ನಾಲ್ವರು ಅರೆಸ್ಟ್

ಮಂಗಳೂರು : ಮಂಗಳೂರಿನ ಸಮಿಪದ ಪರಾರಿಯಲ್ಲಿರುವ ರಾಜ್ ಟೈಲ್ಸ್ ಫ್ಯಾಕ್ಟರಿಯಲ್ಲಿ ಎಂಟು ವರ್ಷದ ಬಾಲಕಿಯನ್ನು ಅತ್ಯಾಚಾರಗೈದು ಕೊಲೆಗೈದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು ನಾಲ್ಕು ಮಂದಿನ್ನು ಬಂಧಿಸಿದ್ದಾರೆ. ಜಯ್ಬಾನ್ ಸಿಂಗ್(21), ಮುಖೇಶ್ ಸಿಂಗ್(20), ಮನೀಶ್ ಟಿರ್ಕಿ (33)ಮತ್ತು ಮುನೀಮ್ ಸಿಂಗ್(20) ಬಂಧಿತ ಆರೋಪಿಗಳು. ಬಂಧಿತರ ಪೈಕಿ ಮೂರು ಮಂದಿ ಮಧ್ಯ ಪ್ರದೇಶದ ಪನ್ನಾ ಜಿಲ್ಲೆಯವರು. ಇನ್ನೋರ್ವ ಆರೋಪಿ ಮಧ್ಯಪ್ರದೇಶದ ರಾಂಚಿಯವನು. ಬಂಧಿತರ ವಿರುದ್ಧ ಪೋಕ್ಸೋ ಕಾಯ್ದೆಯಡಿ ಪ್ರಕರಣ ದಾಖಲಾಗಿದೆ. ಬಂಧಿತ ಮೂರು ಮಂದಿ ಆಗಾಗ ಬಾಲಕಿಯನ್ನು ಲೈಂಗಿಕವಾಗಿ ಬಳಸಿಕೊಳ್ಳುತ್ತಿದ್ದು, ಭಾನುವಾರ ನಾಲ್ವರು ಸೇರಿಕೊಂಡು ಅತ್ಯಾಚಾರಗೈದಿದ್ದಾರೆ. ಬಳಿಕ ಕೊಲೆಗೈದು ಡ್ರೇನೇಜ್‌ಗೆ ಎಸೆದು ಹೋಗಿದ್ದಾರೆ. ವಿಚಾರಣೆ ವೇಳೆ ಆರೋಪಿಗಳು ತಮ್ಮ ಕೃತ್ಯವನ್ನು ಒಪ್ಪಿಕೊಂಡಿದ್ದಾರೆ ಎಂದು ಮಂಗಳೂರು ನಗರ ಪೊಲೀಸ್ ಆಯುಕ್ತ ಎನ್.ಶಶಿಕುಮಾರ್ ಬುಧವಾರ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದ್ದಾರೆ.