ಮಾವಿನಹಣ್ಣು ಬೆಲೆ ದುಬಾರಿ: ದರ ಏರಿಕೆಗೆ ಕಾರಣವೇನು..?

ಬೆಂಗಳೂರು: ಮಾವಿನ ಹಣ್ಣಿನ ಬೆಲೆ ದುಬಾರಿಯಾಗಿದೆ. ಗ್ರಾಹಕ ಅಂಗಡಿಯಲ್ಲಿಯೇ ನೋಡಿ ದುಬಾರಿ ಬೆಲೆ ಕೊಟ್ಟು ಖರೀದಿ ಮಾಡಲಾಗದೆ ವಾಪಾಸ್‌ ಹೋಗುವಂತಾಗಿದೆ.

ಬೆಲೆ ಏರಿಕೆಗೆ ಕಾರಣ: ಹಠಾತ್ ಹವಾಮಾನ ಬದಲಾವಣೆ, ಅಕಾಲಿಕ ಮಳೆ ಮತ್ತು ಕೀಟಾಣುಗಳ ದಾಳಿಯಿಂದಾಗಿ ಮಾವಿನ ಹಣ್ಣಿನ ಉತ್ಪಾದನೆಯಲ್ಲಿ ತೀವ್ರ ಕುಸಿತ ಉಂಟಾಗಿದೆ. ಹಾಗಾಗಿ ಋತುವಿನಲ್ಲಿ ಮಾವಿನ ಹಣ್ಣಿನ ಬೆಲೆ ದುಬಾರಿಯಾಗಿದೆ. ಟೈಮ್ಸ್ ಆಫ್ ಇಂಡಿಯಾದ ವರದಿಯ ಪ್ರಕಾರ, ಕಳೆದ ಮೂರು ವರ್ಷಗಳಲ್ಲಿ ಹಾಪುಸ್​, ಕೊಂಕಣ ಮಾವು ಸೇರಿದಂತೆ ಇತರೆ ಮಾವು ತಳಿಗಳಲ್ಲಿ 40-50% ದುಬಾರಿ ಕಂಡುಬಂದಿದೆ. ಕೆಲ ಕಾರಣಗಳಿಂದ ಕಡಿಮೆ ಪ್ರಮಾಣ ಹಣ್ಣುಗಳು ಮಾರುಕಟ್ಟೆಗೆ ಬಂದಿವೆ. ಉತ್ಪಾದನೆಯ ಪ್ರಮಾಣ ಕಡಿಮೆ ಆಗಿದ್ದು, ಸಹಜವಾಗಿಯೇ ಬೆಲೆಯಲ್ಲಿ ಏರಿಕೆಯಾಗಿ ಸಾಮಾನ್ಯ ವರ್ಗದ ಜನರ ಕೈಗೆಟುಕದಂತಾಗಿದೆ.

ಸದ್ಯ ಬೆಂಗಳೂರಿನಲ್ಲಿ ಒಂದು ಡಜನ್​ ಮಾವಿಗೆ (ಸಾಮಾನ್ಯ 250 ಗ್ರಾಂ) 1000, 1200 ಬೆಲೆ ಇದೆ. ಅದೇ ಒಂದು ವೇಳೆ ನೀವು ಮಹಾರಾಷ್ಟ, ಪುಣೆ ಭಾಗಗಳಲ್ಲಿ ಒಂದು ಡಜನ್​ 700-800 ಬೆಲೆ ಇರಬಹುದು. ಬೆಂಗಳೂರಿನಲ್ಲಿ ಸಿಗುವಂತಹ ಮಾವನ್ನು ಹೆಚ್ಚಾಗಿ ಮಹಾರಾಷ್ಟ್ರದ ರತ್ನಗಿರಿಯಿಂದ ರಫ್ತು ಮಾಡಲಾಗುತ್ತದೆ.