ನಾಪತ್ತೆಯಾದ ಕೆಮ್ಮಣ್ಣು ವ್ಯಕ್ತಿಯ ಸ್ಕೂಟರ್ ಬಾರ್ಕೂರು ಸೇತುವೆಯಲ್ಲಿ ಪತ್ತೆ: ಪೊಲೀಸರಿಂದ ಶೋಧ

ಉಡುಪಿ: ಅ.18ರ ರಾತ್ರಿಯಿಂದ ನಾಪತ್ತೆಯಾಗಿರುವ ಕೆಮ್ಮಣ್ಣು ನಿವಾಸಿ ಪ್ರವೀಣ್ ಅಮೀನ್ ಅವರ ಸ್ಕೂಟರ್ ಬಾರ್ಕೂರು ಸೇತುವೆ ಬಳಿ ಪತ್ತೆಯಾಗಿದೆ. ಪ್ರವೀಣ್ ಅಮೀನ್ ಅವರು ಅ.18ರಂದು ರಾತ್ರಿ ತನ್ನ ಗಾಡಿ ಸಮೇತ ಕಾಣೆಯಾಗಿದ್ದರು. ಈ ಬಗ್ಗೆ ಮಲ್ಪೆ ಠಾಣೆಯಲ್ಲಿ ನಾಪತ್ತೆ ಪ್ರಕರಣ ದಾಖಲಾಗಿತ್ತು. ಇದೀಗ ಬಾರಕೂರು ಸೇತುವೆ ಬಳಿ ಪ್ರವೀಣ್ ಅವರ ಸ್ಕೂಟರ್ ಪತ್ತೆಯಾಗಿದ್ದು, ನದಿಗೆ ಹಾರಿರುವ ಶಂಕೆ ವ್ಯಕ್ತವಾಗಿದೆ. ಈ ಹಿನ್ನೆಲೆಯಲ್ಲಿ ಪೊಲೀಸರು ನದಿಯಲ್ಲಿ ಶೋಧ ಕಾರ್ಯ ಮುಂದುವರೆಸಿದ್ದಾರೆ ಎಂದು ತಿಳಿದುಬಂದಿದೆ.