ಹಲ್ಲುಜ್ಜುವ ಬ್ರಷ್ ನಿಂದ ಗೋಡೆ ಕೊರೆದ ಕೈದಿಗಳು ಅರೆಸ್ಟ್

ನವದೆಹಲಿ: ಟೂತ್‌ಬ್ರಷ್ ಮತ್ತು ಲೋಹದ ವಸ್ತುವಿನಿಂದ ಗೋಡೆಯನ್ನು ಕೊರೆದು ಇಬ್ಬರು ಕೈದಿಗಳು ಪರಾರಿ ಆಗಿದ್ದರು. ಸೋಮವಾರ ಸಂಜೆ ಕೈದಿಗಳನ್ನು ಲೆಕ್ಕ ಹಾಕುವಾಗ, ಇಬ್ಬರು ನಾಪತ್ತೆಯಾಗಿರುವ ವಿಚಾರ ಬೆಳಕಿಗೆ ಬಂದಿದೆ.

ಈ ಇಬ್ಬರು ಕೈದಿಗಳಲ್ಲಿ ಒಬ್ಬನಿಗೆ 37ವರ್ಷ ಮತ್ತು ಇನ್ನೊಬ್ಬನಿಗೆ 43ವರ್ಷ. ಒಬ್ಬಾತ ಹ್ಯಾಂಪ್ಟನ್ ನಿವಾಸಿಯಾಗಿದ್ದು, ನ್ಯಾಯಾಂಗ ನಿಂದನೆ ಮತ್ತು ಇತರ ಕೇಸ್‌ನಡಿ ಜೈಲುಪಾಲಾಗಿದ್ದ. ಇನ್ನೊಬ್ಬಾತ ಗೌಸೆಸ್ಟರ್ ವಾಸಿಯಾಗಿದ್ದು, ಕ್ರೆಡಿಟ್ ಕಾರ್ಡ್ ವಂಚನೆ, ಫೋರ್ಜರಿ ಮತ್ತು ಇನ್ನು ಹಲವು ಕೇಸ್‌ನಡಿ ಜೈಲು ಸೇರಿದ್ದ.

ಇಬ್ಬರು ಖೈದಿಗಳನ್ನು ಹುಡುಕುವ ಸಲುವಾಗಿ ಇಬ್ಬರ ಫೋಟೋಗಳನ್ನು ಪೇಪರ್ ಗಳಲ್ಲಿ ಪಬ್ಲಿಶ್ ಮಾಡಲಾಗಿತ್ತು. ಅದಾಗಿ ಒಂದೇ ತಾಸಿನಲ್ಲಿ ಇಬ್ಬರೂ ಕೈದಿಗಳು ಸಮೀಪದ ರೆಸ್ಟೋರೆಂಟ್ ಒಂದರಲ್ಲಿ ಸಿಕ್ಕಿಬಿದ್ದ ಘಟನೆ ವರ್ಜಿನಿಯಾದಲ್ಲಿ ನಡೆದಿದೆ.