ಸಚಿನ್, ಧೋನಿ, ಶಿಲ್ಪಾ ಶೆಟ್ಟಿ ಹೆಸರಿನಲ್ಲಿ ಸಾಲ ಪಡೆದು ವಂಚನೆ:ಐವರ ಬಂಧನ

ನವದೆಹಲಿ: ಕ್ರಿಕೆಟ್ ತಾರೆಯರು, ಸಿನೆಮಾ ನಟಿಯರು ಹೀಗೆ ಸೆಲೆಬ್ರಿಟಿಗಳ ವೈಯಕ್ತಿಕ ಮಾಹಿತಿ ನೀಡಿ ಸಾಲ ಪಡೆದು ವಂಚಿಸಿದ್ದ ಐವರನ್ನು ದೆಹಲಿ ಪೊಲೀಸರು ಬಂಧಿಸಿದ್ದಾರೆ. ಖ್ಯಾತ ಕ್ರಿಕೆಟ್ ಆಟಗಾರರಾಗಿರುವ ಸಚಿನ್ ತೆಂಡೂಲ್ಕರ್, ಮಹೇಂದ್ರ ಸಿಂಗ್ ಧೋನಿ, ಸಿನೆಮಾ ನಟ ರೃತಿಕ್ ರೋಷನ್, ನಟಿಯರಾದ ಶಿಲ್ಪಾ ಶೆಟ್ಟಿ, ಸೋನಂ ಕಪೂರ್ ಅವರ ವೈಯಕ್ತಿಕ ಮಾಹಿತಿ ಆಧಾರದಲ್ಲಿ ಆರೋಪಿಗಳು ಬ್ಯಾಂಕ್ ನಿಂದ ಸಾಲಪಡೆದಿದ್ದರು ಎಂದು ವರದಿಯಾಗಿದೆ.

ಎಲ್ಲ ಸೆಲೆಬ್ರಿಟಿಗಳ ಪಾನ್ ಕಾರ್ಡ್ ಸೇರಿದಂತೆ ಅಗತ್ಯ ಇರುವ ಮಾಹಿತಿ ನೀಡಿ ಆರೋಪಿಗಳು ಸಾಲ ಪಡೆದಿದ್ದರು.

ದೆಹಲಿಯ ಶಹದಾರ ಠಾಣೆ ಪೊಲೀಸರು ಈ ಪ್ರಕರಣವನ್ನು ಭೇದಿಸಿದ್ದಾರೆ