ಸೂರ್ಯಯಾನ ರಾಕೆಟ್ ಉಡಾವಣೆ ಯಶಸ್ವಿ: ಇಸ್ರೋದಲ್ಲಿ ಸಂಭ್ರಮ

ಬೆಂಗಳೂರು: ಭಾರತದ ಮೊಟ್ಟಮೊದಲ ಸೂರ್ಯಯಾನದ ಪಿಎಸ್‍ಎಲ್‍ವಿ-ಸಿ57 ರಾಕೆಟ್ ಉಡಾವಣೆ ಯಶಸ್ವಿಯಾಗಿದೆ.

11:50 ಗಂಟೆಗೆ ಸರಿಯಾಗಿ ಶ್ರೀಹರಿಕೋಟಾದ ಸತೀಶ್ ಧವನ್ ಅಂತರಿಕ್ಷ ಕೇಂದ್ರದಿಂದ ಆದಿತ್ಯ ಎಲ್-1 ನೌಕೆಯನ್ನು ಹೊತ್ತ ಪಿಎಸ್‍ಎಲ್‍ವಿ-ಸಿ57 ರಾಕೆಟ್ ಉಡಾವಣೆಗೊಂಡಿದೆ.

ಉಡಾವಣೆ ಪ್ರಕ್ರಿಯೆ ಯಶಸ್ವಿಯಾಗುತ್ತಿದ್ದಂತೆ ಇಸ್ರೋದ ವಿಜ್ಞಾನಿಗಳ ಮೊಗದಲ್ಲಿ ಸಂತಸ ಮೂಡಿತು. ಇಸ್ರೋದ ಅಧಿಕೃತ ಯೂಟ್ಯುಬ್ ಚಾನೆಲ್ ನಲ್ಲಿ ನೇರಪ್ರಸಾರ ಮಾಡಲು ವ್ಯವಸ್ಥೆ ಮಾಡಲಾಗಿತ್ತು.

ಸುಮಾರು 125 ದಿನಗಳ ಕಾಲ 15 ಲಕ್ಷ ಕಿ.ಮೀ ಪ್ರಯಾಣಿಸಲಿರುವ ನೌಕೆ ಲ್ಯಾಂಗ್ರೇಜ್ ಪಾಯಿಂಟ್ ನಲ್ಲಿ ಲ್ಯಾಂಡ್ ಆಗಲಿದೆ. ಆ ಬಳಿಕ 5 ವರ್ಷಗಳ ಕಾಲ ಸೂರ್ಯನ ಬಗ್ಗೆ ಮಾಹಿತಿ ಕಲೆ ಹಾಕಿ ಇಸ್ರೋಗೆ ರವಾನಿಸಲಿದೆ.