ಚಾಲಕಪರವಾನಿಗೆ ಸೇರಿದಂತೆ ವಾಹನ ದಾಖಲೆ ಗಳ ಮಾನ್ಯತೆ ಅವಧಿ ಅ.31 ರವರೆಗೆ ವಿಸ್ತರಿಸುವಂತೆ ಕೇಂದ್ರದ ಆದೇಶ

ಚಾಲಕಪರವಾನಿಗೆ ಸೇರಿದಂತೆ ವಾಹನ ದಾಖಲೆ ಗಳ ಮಾನ್ಯತೆ ಅವಧಿ ಅ.31 ರವರೆಗೆ ವಿಸ್ತರಿಸುವಂತೆ ಕೇಂದ್ರ ದ ಆದೇಶ

ನವದೆಹಲಿ : ಕೇಂದ್ರ ಸರ್ಕಾರವು ಚಾಲನಾ ಪರವಾನಿಗೆ, ನೋಂದಣಿ ಪ್ರಮಾಣಪತ್ರ ಹಾಗೂ ಪರ್ಮಿಟ್ ಸೇರಿದಂತೆ ವಾಹನಗಳ ದಾಖಲೆಗಳ ಮಾನ್ಯತಾ ಅವಧಿಯನ್ನು 2021 ರ ಅ.31 ರವರೆಗೆ ವಿಸ್ತರಣೆ ಮಾಡಿದೆ.ಕೇಂದ್ರ ರಸ್ತೆ ಸಾರಿಗೆ ಹಾಗೂ ಹೆದ್ದಾರಿ ಸಚಿವಾಲಯ ಈ ಬಗ್ಗೆ ಮಾಹಿತಿ ನೀಡಿದ್ದು, ಕೊರೊನಾ ಹಿನ್ನೆಲೆಯಲ್ಲಿ ಚಾಲನಾ ಪರವಾನಿಗೆ, ನೋಂದಣಿ ಪ್ರಮಾಣ ಪತ್ರ ಹಾಗೂ ಪರ್ಮಿಟ್ ಸೇರಿದಂತೆ ವಾಹನಗಳ ದಾಖಲೆಗಳ ಮಾನ್ಯತೆಯನ್ನು ನವೀಕರಿಸಲು ಸಾಧ್ಯವಾಗದಿದ್ದ ಕಾರಣ 2020 ರ ಫೆ. ರಿಂದ ಅವಧಿ ಕೊನೆಗೊಳ್ಳುವ ದಾಖಲೆಗಳನ್ನು 2021 ರ ಅ.31 ರವರೆಗೆ ವಿಸ್ತರಿಸಲಾಗಿದೆ ಎಂದು ತಿಳಿಸಿದೆ.

ಈ ಕಠಿಣ ಸಮಯದಲ್ಲಿ ಕಾರ್ಯನಿರ್ವಹಿಸುತ್ತಿರುವ ನಾಗರಿಕರು, ಸಾಗಾಣಿಕೆದಾರರು ಮತ್ತು ಇತರ ವಿವಿಧ ಸಂಘಟನೆಗಳಿಗೆ ಕಿರುಕುಳ ಮತ್ತು ತೊಂದರೆಗಳನ್ನು ಎದುರಿಸದಂತೆ ಎಲ್ಲಾ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳನ್ನು ಈ ಸಲಹೆಯನ್ನು ಜಾರಿಗೆ ತರಲು ಕೋರಲಾಗಿದೆ ಎಂದು ಸಚಿವಾಲಯದ ಸಲಹಾ ಸಮಿತಿ ತಿಳಿಸಿದೆ.