ಡಿಸೆಂಬರ್ 13 ರಂದು ತೆರೆಗಪ್ಪಳಿಸಲಿದೆ ತುಳು ಚಿತ್ರ “ಡಸ್ಕತ್”:ಕಾತರದಲ್ಲಿ ಕರಾವಳಿ ಪ್ರೇಕ್ಷಕರು

ಕರಾವಳಿ: ಇಷ್ಟು ದಿನ ಬರೀ ಹೆಸರಿನಲ್ಲಿಯೇ ಸದ್ದು ಮಾಡುತ್ತಿದ್ದ “ದಸ್ಕತ್”ಹೆಸರಿನ ತುಳು ಚಿತ್ರ ಇದೀಗ ತೆರೆಗೆ ಅಪ್ಪಳಿಸಲು ಸಿದ್ದವಾಗಿದೆ. ದಸ್ಕತ್ ತುಳುಚಿತ್ರ ಡಿಸೆಂಬರ್ 13 ರಂದು ತೆರೆ ಕಾಣಲಿದೆ. ಬಹು ನಿರೀಕ್ಷೆಯನ್ನು ಮೂಡಿಸಿರುವ ಈ ತುಳು ಚಿತ್ರ ಕಾಮಿಡಿ ಕಿಲಾಡಿಗಳು ಶೋನ ಕಲಾವಿದ ಅನೀಶ್ ಕುಮಾರ್ ವೇಣೂರು ನಿರ್ದೇಶನದಲ್ಲಿ ಈ ಚಿತ್ರ ನಿರ್ಮಾಣಗೊಂಡಿದೆ.

ಅಂದ ಹಾಗೆ ಈ ಸಿನಿಮಾದಲ್ಲಿ ಕನ್ನಡ ಚಲನಚಿತ್ರ ನಟ ಮೋಹನ್ ಶೇಣಿ, ಸಿರಿಯಲ್ ನಟಿ ಭವ್ಯ ಪೂಜಾರಿ, ಹಾಸ್ಯ ನಟ ದೀಪಕ್ ರೈ ಪಾಣಾಜೆ ಸೇರಿದಂತೆ ಹಲವು ಹಿರಿಯ ಮತ್ತು ಹೊಸ ಮುಖಗಳು ಈ ಚಿತ್ರದಲ್ಲಿ ನಟಿಸಿದ್ದಾರೆ. ದಸ್ಕತ್ ಸಿನಿಮಾವು ಉಡುಪಿ ಮತ್ತು ದಕ್ಷಿಣಕನ್ನಡ ಜಿಲ್ಲೆಯಲ್ಲಿ ಏಕಕಾಲಕ್ಕೆ ಬಿಡುಗಡೆಯಾಗಲಿದೆ. ಬದುಕು, ಸಂಸ್ಕೃತಿ ಸಂಘರ್ಷವನ್ನು ಹೊತ್ತುಕೊಂಡಿರುವ ಈ ಸಿನಿಮಾ ಭರ್ಜರಿಯಾಗಿ ಚಿತ್ರೀಕರಣ ಮುಗಿಸಿದ್ದು, ನೀವು ತುಳು ಚಿತ್ರಗಳ ಅಭಿಮಾನಿಗಳಾಗಿದ್ದಲ್ಲಿ ಡಿಸೆಂಸರ್ 13 ರಂದು ನೋಡಲು ಮರೆಯದಿರಿ