ಉಡುಪಿ: ಕುಸಿದುಬಿದ್ದು ಅಕ್ಕಸಾಲಿಗ ಮೃತ್ಯು

ಉಡುಪಿ:

ಕುಸಿದುಬಿದ್ದು ಅಕ್ಕಸಾಲಿಗನೋರ್ವ ಮೃತಪಟ್ಟ ಘಟನೆ ಉಡುಪಿ ತಾಲ್ಲೂಕಿನ  76ನೇ  ಬಡಗುಬೆಟ್ಟು ಗ್ರಾಮದ  ಚಿಟ್ಪಾಡಿ ಬಸ್‌ ನಿಲ್ದಾಣದಲ್ಲಿ ನ.11ರಂದು ಸಂಜೆ ನಡೆದಿದೆ. ಮೃತರನ್ನು ಬೈಲಕೆರೆ ನಿವಾಸಿ 54 ವರ್ಷದ ನಾಗೇಶ ಎಂದು ಗುರುತಿಸಲಾಗಿದೆ. ಇವರು ಉಡುಪಿಯ  ಚಿತ್ತರಂಜನ್‌ ಸರ್ಕಲ್‌ನಲ್ಲಿ  ಚಿನ್ನದ  ಕೆಲಸವನ್ನು  ಮಾಡಿಕೊಂಡಿದ್ದರು. ನಿನ್ನೆ ಸಂಜೆ ಚಿಟ್ಪಾಡಿಯ ಹೋಟೆಲ್‌ ಗಜಾನನದ ಬಳಿಯ  ಬಸ್‌ ನಿಲ್ದಾಣದಲ್ಲಿ ಕುಸಿದು ಬಿದ್ದು ಅಸ್ವಸ್ಥಗೊಂಡಿದ್ದರು. ಆದರೆ, ಅಜ್ಜರಕಾಡಿನ ಜಿಲ್ಲಾಸ್ಪತ್ರೆಗೆ ಕರೆತರುವ ಮಾರ್ಗ ಮಧ್ಯೆ ನಾಗೇಶ್ ಉಸಿರು ಚೆಲ್ಲಿದ್ದಾರೆ. ಈ ಬಗ್ಗೆ ಉಡುಪಿ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.