ವಿಪ್ರೊ ಕಂಪನಿ ನಾಳೆಯಿಂದ ನೌಕರರಿಗೆ ಕಛೇರಿಗೆ ಬುಲಾವ್

ಕರೋನ ಸೋಂಕು ಇಳಿಕೆ ಯಾಗುತಿದ್ದಂತೆ ದೇಶದಾದ್ಯಂತ ಐಟಿ ಕಂಪನಿಗಳು ತಮ್ಮ ಉದ್ಯೋಗಿಗಳನ್ನ ಮತ್ತೆ ಕಚೇರಿಗೆ ಬರುವಂತೆ ತಿಳಿಸುತ್ತಿವೆ. ಲಾಕ್ ಡೌನ್ ಮುಗಿದು ಬರೋಬ್ಬರಿ 18 ತಿಂಗಳ ನಂತರ ವಿಪ್ರೋ ತನ್ನ ಉದ್ಯೋಗಿಗಳು ಸೋಮವಾರದಿಂದ ಕಚೇರಿಗಳಿಗೆ ಮರಳುತ್ತಾರೆ ಎಂದು ವಿಪ್ರೋ ಹೇಳಿದೆ.

ಈ ಬಗ್ಗೆ ವಿಪ್ರೋ ಅಧ್ಯಕ್ಷ ರಿಶಾದ್ ಪ್ರೇಮ್ ಜಿ ಅವರು ಟ್ವಿಟರ್ʼನಲ್ಲಿ ಮಾಡಿದ್ದು, ’18 ಸುದೀರ್ಘ ತಿಂಗಳ ನಂತರ, ನಮ್ಮ ನಾಯಕರು ವಿಪ್ರೋ ನಾಳೆಯಿಂದ (ವಾರಕ್ಕೆ ಎರಡು ಬಾರಿ) ಕಚೇರಿಗೆ ಮರಳುತ್ತಿದ್ದಾರೆ. ಎಲ್ಲರೂ ಸಂಪೂರ್ಣವಾಗಿ ಲಸಿಕೆ ಹಾಕಿಸಿಕೊಂಡಿದ್ದಾರೆ, ಎಲ್ಲರೂ ಕಛೇರಿಗೆ ಹೋಗಲು ಸಿದ್ಧರಾಗಿದ್ದಾರೆ – ಸುರಕ್ಷಿತವಾಗಿ ಮತ್ತು ಸಾಮಾಜಿಕವಾಗಿ ಅಂತರ ಕಾಯ್ದುಕೊಳ್ಳಲಿದ್ದಾರೆ. ನಾವು ಇದನ್ನ ಸೂಕ್ಷ್ಮವಾಗಿ ಗಮನಿಸುತ್ತೇವೆ’ ಎಂದಿದ್ದಾರೆ.